Butrinti bëhet skena e tragjedisë shekspiriane. “Otello” e Shekspirit u ngjit në skenë, në teatrin të lashtë, si një ndër interpretimet kulmore të Festivalit Ndërkombëtar të Teatrit “Butrinti Summer Festival”.
Në skenë u ngjit trupa e teatrit të Ushtrisë së Bullgarisë, duke sjellë një risi në konceptin e komunikimit me publikun. Georgi Kerkellanov, në rolin e Jagos, tha se tragjedia ishte shkruar për t’u interpretuar në një skenë si ajo e Butrintit antik.
”Kjo skenë është shumë e ngrohtë. Vështirësia më e madhe, ishte zhvendosja e shfaqjes nga një skenë e mbyllur në një mjedis të hapur, si ky, por akustika e saj ka avantazhe dhe sfida e përshtatjes, siç e pate, u kapërcye”, – u shpreh Kerkellanov.
Profesor Përparim Kabo, një prej dashamirësve të përvitshëm të këtij teatri e çmoi interpretimin si nga më të mirët ndër vite, por tërhoqi vëmendjen për mungesën në teatër, të artistëve e studentëve të artit.
Edicioni i 17- të i “Butrinti Summer Festival” mbyllet në mbrëmje, me interpretimin e teatrit të Selanikut që do të vendosë në skenën antike, shfaqjen “Toka u ngjye me të kuqe”.
VAZHDO TË LEXOSH MË TEPËR PËR TEMËN
“Shekspiri i mitur” i simbolizmit francez
“Mbreti Lir”, “Xha Gorioi” dhe Azili i ri i Shkodrës
Aleksandër Moisiu, legjenda që mahniti teatrin botëror
