11.09.2018 - 15:51
Një ndër akset më të reja në vend dhe e ndërtuar vitet e fundit, rruga Kukës-Shishtavec është tashmë e degraduar për shkak të mosmirëmbajtjes.
Bashkia e Kukësit dhe Autoriteti Rrugor ia hedhin përgjegjësinë për këtë gjë njëri-tjetrit, ndërkohë që 14 fshatra të kësaj zone janë në rrezik përsëri edhe për këtë dimër.
Pjesa e dytë e rrugës Kukës-Shishtavec është përuruar në prag të zgjedhjeve të 2013-tës, por degradimi i saj filloi shpejt.
Ndërkohë Autoriteti Rrugor Shqiptar (ARRSH) ka tenderuar mirëmbajtjen e këtij aksi vetëm prej 11 kilometrash dhe nëse nuk do të ketë një ndërhyrje për 23 kilometrat e tjera ndoshta kjo rrugë do të duhet të inagurohet sërish në zgjedhjet e ardhshme.
