Rrethimin e godinës së Teatrit Kombëtar nga forcat e policisë dhe përplasjen fizike me artistët, presidenti Meta e ka cilësuar të turpshme.
Përmes një reagimi, Meta e ka cilësuar këtë skenë si një ngjarje të turpshme dh etë shëmtuar, si edhe i bën thirrje policisë që të respektojë artistët dhe të mos ushtrojë dhunë fizike ndaj tyre.
Për Presidentin, as sampistët e Ramiz Alizës nuk e kanë prekur me dorë Edmond Budinën në dhjetor të ’90.
“Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.
I bëj thirrje Policisë së Shtetit të respektojë artistët dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.
As sampistët e Ramiz Alisë nuk e kanë prekur me dorë Edmond Budinën në dhjetor ’90!
Shumë turp! Shumë turp! Shumë turp!”, thekson Presidenti.
VAZHDO TË LEXOSH MË TEPËR PËR TEMËN
Protestë para Kuvendit/ Thirrje qytetarëve dhe opozitës
Teatri Kombëtar, spastrime si në kohën e komunizmit
Shkodra, e para në emancipimin e teatrit
