Ka ndërruar jetë mëngjesin e sotëm, 26-vjeçari i cili u vra me plumb në kokë ditën e djeshme në Myslym Shyri.
Në një reagim për mediat, babai i të riut Indrit Çelaj shprehet se lajmin për vdekjen e të birit e mori vesh nga mediat.
“Vrasja e djalit ka ndodhur në orën 11:00, unë e mora vesh në orën 19:00.
E kam marrë lajmin për vdekjen nga mediat.
I kishin marrë edhe dokumentetet, djalin e kishte marrë policia.
Ma morën djalin në moshë të re.
Kur vajta në spital vetëm kam mbajtur veten. Sikur të kisha fuqi nuk e di ç’mund të bëja.
Kjo që më ndodhi mua, mos i ndodhtë askujt. Ti nisesh në punë e kthehesh i vdekur.
Kujt t’i drejtohem unë tani, ku do gjej drejtësi, kush do ma zgjidhë hallin mua?
Djali ishte në punë, punonte me kondicionera. Djali ka mbaruar elektriken, montonte kondicionerë.
Djali s’kishte konflikte, ishte i sjellshëm dhe i kulturuar.
Rrallë gjen djalë si ai, ai nuk dinte të ofendonte ishte shumë i matur“, është shprehur babai i 26-vjeçarit, Baftjar Çela.
VAZHDO TË LEXOSH MË TEPËR PËR TEMËN
