Ditë pasi Shtetet e Bashkuara testuan një raketë të re lundrimi, Presidenti rus Vladimir Putin po bën thirrje për një përgjigje ‘reciproke’.
Putin i tha Ministrisë së Mbrojtjes së Rusisë dhe agjencive të tjera që “të studiojnë nivelin e kërcënimit të paraqitura nga këto veprime të SHBA dhe të ndërmarrin masa për të përgatitur një përgjigje reciproke,” .
Ai tha se Rusia ishte në dijeni se SHBA kishte zhvilluar armë të ndaluara “për një kohë mjaft të gjatë”.
Të dielën, Departamenti i Mbrojtjes i SHBA testoi një raketë të modifikuar të lundrimit të Marinës Tomahawk në brigjet e Kalifornisë.
Shtetet e Bashkuara thanë të hënën se kishin testuar një raketë balistike, që goditi shënjestrën e saj, pas më shumë se 500 kilometra fluturim.
Kjo është prova e parë e tillë, që kur Shtetet e Bashkuara u tërhoqën nga një traktat i kontrollit të armëve me Rusinë.
Putin tha se Rusia nuk mund të qëndrojë duarkryq, dhe se planet amerikane për vendosjen e raketave të reja në rajonin e Azisë dhe Paqësorit “ndikojnë në interesat tona thelbësore, pasi është afër kufijve të Rusisë”.
“Siç e dini, ne kurrë nuk kemi dashur, nuk duam dhe nuk do të përfshihemi në një garë të kushtueshme, destruktive të armëve”, tha Putin.
Shtetet e Bashkuara zyrtarisht u tërhoqën më 2 gusht nga Traktati i Forcave Bërthamore i vitit 1987 (INF) që ndaloi lëshimet e në tokë të raketave balistike me një interval midis 500 dhe 5,500 kilometra.
Shtetet e Bashkuara, në muajin shkurt, njoftuan se kishin planifikuar të tërhiqeshin nga marrëveshja, duker caktuar një periudhe tërheqjeje gjashtë mujore, pasi akuzuan Rusinë për vite me rradhë për shkeljen e paktit.
VAZHDO TË LEXOSH MË TEPËR PËR TEMËN
‘Pa SHBA, Gjermani dhe Rusi nuk ka marrëveshje’
‘Xhelozia’ ndaj Rusisë, SHBA dënon rëndë Indinë
“Ballkanizimi” i rrezikshëm i BE-së
