Javën e kaluar emocionet e prezantimit të telefonëve të rinj të Apple ishin thuajse inekzistent krahasuar me vitet e kaluara.
Ekzekutivët e kompanisë u përpoqën pafundësisht për të bindur audiencën se këto janë tjera modele të suksesshme të iPhone.
Dhe pikërisht këtu nis edhe tallja e Samsung. Gjiganti Korean i teknologjisë publikoi një reklamë të re e cila tregon sesa jo-kompetente është kamera e iPhone 11.
Reklama kërkon që të fokusoheni në atë çfarë ka rëndësi. Në reklamën e Samsung shfaqen dy njerëz të cilët po filojnë një video me një iPhone të ri dhe një Note 10.
Ende pavarësisht të gjitha funksioneve të iPhone 11 dhe 11 Pro, ato ende nuk kanë një bokeh live.
Me iPhone e fundit nevojitet një aplikacion i palëve të treta për të shfrytëzuar bokeh live. Për Samsung ky funksion përfaqëson fuqinë e një telefoni që i përket një niveli tjetër.
I mbetet përdoruesve të vendosin nëse kjo është fuqia e një inovacioni të nivelit tjetër ose thjeshtë po përpiqet të tërheqë vëmendje.
