Ismail Kadare është përzgjedhur fitues i çmimit “Pak Kyongni 2019”. Në njoftimin e bërë nga Kim Uchang, kryetar i komisionit përzgjedhës, thuhet se “…punimet e Ismail Kadaresë i bëjnë lexuesit të mendojnë dhe të ndjejnë fort, marrëdhënien e tyre me ngjarje të caktuara të historisë”.
Ceremonia për dhënien e këtij çmimi, do të mbahet më 26 tetor 2019, në Qendrën Kulturore Toji, të Koresë së Jugut.
Çmimi shoqërohet edhe me një shpërblim financiar, prej rreth 84 mijë dollarësh. Përzgjedhja e fituesit bëhet pasi shqyrtohen rreth 350 autorë nga mbarë bota, të cilët, përmbushin kriteret e përcaktuara. Që nga muaji korrik, komisioni përzgjedhës kishte përpiluar listën e 5 autorëve më të mirë, nga të cilët fitoi shkrimtari i njohur shqiptar.
Çmimi u krijua në vitin 2011, nga Fondacioni Kulturor Toji, për të nderuar shkrimtaren e ndjerë koreane, Pak Kyongni. Çmimi nderon çdo vit një shkrimtar të letërsisë botërore, për ndikimin në fushën e letërsisë. Në vitin 2018, me këtë çmim u nderua amerikani Richard Ford, ndërsa në vitin 2017, çmimi iu dha britanikut Antonio Byatt.
Fitues të mëparshëm kanë qenë Ngugi wa Thiong’o (Kenia, 2016), Amos Oz (Izrael, 2015), Bernhard Schlink (Gjermani, 2014), Marilynne Robinson (SHBA, 2013), Ludmila Ulitskaya (Rusi, 2012) dhe Choi In-hun (Kore, 2011).
VAZHDO TË LEXOSH MË TEPËR PËR TEMËN
“E dashur Elona”, Helena Kadare i shkruan të bijës së Sadijes
