Lushnja u trondit mëngjesin e kësaj të marte nga një ekzekutim në një lokal në katin e dytë të një ndërtese, në lagjen “Skënder Libohova”, ku Besnik Hida sapo ishte ulur për të konsumuar kafen e mëngjesit, i vetëm.
Në një moment, një nga dy autorët sipas policisë, i është afruar dhe e ka qëlluar me breshëri kallashnikovi duke e lënë të vdekur në vend.
“Dy persona ende të paidentifikuar kanë qëlluar me armë zjarri tip automatik në drejtim të shtetasit B.H, 35 vjeç i cili ka ndërruar jetë. Autorët janë larguar nga vendngjarja me një automjet ku në ndjekje të tyre janë vënë shërbimet e policisë së Lushnjes” informon policia.
Zamir Latifi
Por kush është viktima?
Top Channel shkruan se: “Besnik Hida është daja i Zamir Latifit i vrarë dy vite më parë në një atentat për të cilën dyshohet se u krye nga Laert Haxhiu.
Latifi është shok me nipin e Aldo Bares, i njohur si ish kapoja i bandës së Lushnjes.
Dyshohet se kjo vrasje ka lidhje me përplasjet e mëparshme midis dy grupeve atyre të Aldo Bares dhe të Laert Haxhiu”.
VAZHDO TË LEXOSH MË TEPËR PËR TEMËN
