20.10.2019 - 12:48
Për një kohë të gjatë, dihet se Mazda është duke punuar në një makinë që mbushet me rrymë, dhe disa ditë më parë, u shfaq vetëm një pjesë që ndodhet në brendi.
Së fundmi, është treguar edhe dukja e makinës, të cilën Mazda do ta prezantojë gjatë javës që vjen në Tokyo Motor Show.
“Nuk do të duket si frigorifer”, ka thënë shefi i dizajnit në Mazda, Jo Stenuit, duke shtuar se do të dallojë prej makinave tjera elektrike, që kanë forma shumë katrore.
Linjat e kësaj makine, duken mjaft të rrumbullakosura, megjithatë, nuk ka arritur t’i ikë formës katrore që e ka struktura e pothuajse çdo makine.
Krahas kësaj veture, që shfaqet më 23 tetor, pritet që Mazda të sjellë edhe ndonjë model tjetër të ri dhe me dukje të mirë.
