Braziliani Kaka është ndëshkuar me karton të verdhë nga një gjyqtare në një sfidë miqësore. Kjo ka ndodhur në takimin që legjendat e Brazilit dhe ata të Izraelit po zhvillonin një miqësore për kënaqësi dhe bamirësi.
Përtej rezultatit, që në këto raste nuk ka rëndësi, ka bërë xhiron e rrjetit momenti kur gjyqtarja e sfidës, ndalon ndeshjen pa ndonjë arsye. Në fakt, ajo ka pasur diçka me Kaka.
Ish-mesfushori brazilian ishte në zotërimin e topit në mesfushë, kur gjyqtarja vendosi të ndalë lojën dhe ta ndëshkojë me karton të verdhë. Një veprim të cilin Kaka nuk e kuptoi, por më pas gjithçka u qartësua.
Pasi mbaroi punë me kartonin, arbitrja nxori nga xhepi i saj telefonin dhe përfitoi nga momenti për të shkrepur një selfie me legjendën braziliane.
Kaka, Cafu, Rivaldo dhe Ronaldinho u lidhën si një orkestër muzikore e sprovuar për të krijuar jo një këngë, himn apo melodi, por një gol të shkëlqyeshëm. Shijoni klasin e tyre, edhe pse kanë vite që janë “pensionuar” nga fushat e blerta…
VAZHDO TË LEXOSH MË TEPËR PËR TEMËN
75 metra me top, supergol i Gervinho
“Hileqari” Gashi shënon supergol në MLS
Angli-Shqipëri, kur Demollarit iu mohua supergol
