Kreun e UEFA-s e ka pritur edhe Presidenti i Republikës, Ilir Meta, madje e dekoroi atë, si i ftuar special në ditën e inagurimit të stadiumit të ri kombëtar.
Në fjalimin e tij, kreu i shtetit, ka zbuluar një detaj tepër interesant, që lidhet me rininë e tij. 30 vite më parë, gjatë kohës që ishte student, presidenti Meta ka bërë edhe komentatorin e ndeshjeve të futbollit në emisionin më të ndjekur radiofonik në Shqipëri “Nga njëra ndeshje në tjetër”.
“I nderuar Z.Ceferin, i nderuar Z.Duka, të nderuar personalitete të futbollit shqiptare, europianë dhe botërorë, të nderuar miq e të ftuar, iu uroj të gjithëve, mirë se erdhët të gjithë në presidencë.
Kur isha student 30 vite më parë isha dhe komentator i ndeshjeve të futbollit në emisionin më të ndjekur radiofonik në Shqipëri “Nga njëra ndeshje në tjetër”.
Edhe sot mbetem shumë i lidhur më këtë sport kaq të dashur për të gjithë. E konsideroj si privilegj të veçantë të nderoj një personalitet presidentin Ceferin. Një nga personat më të dashur dhe mbështetësit më të madh në dobi të sportit më të dashur të shqiptarëve, futbollin.
E falenderoj zotit Ceferin për të gjithë iniciativat në të mirë të futbollit. Një vlerë të veçantë ka pasur thirrja e tij drejtuar familjes së futbollit që të kujdesin për përgjegjësi sociale dhe të dhurojnë për kauza të ndryshme”, – u shpreh Meta.
VAZHDO TË LEXOSH MË TEPËR PËR TEMËN
Ceferin viziton punimet e “Shtëpisë së Futbollit”
