Dihet që meditimi sjell shumë përfitime për shëndetin. Studimet kanë treguar se meditimi mund të lehtësojë ankthin dhe stresin.
Ai mund të ulë tensionin e gjakut dhe ju ndihmon të qëndroni në formë me kalimin e viteve. Sipas një studimi, një meditim i shkurtër, qoftë edhe 10 minuta, ju ndihmon të qetësoheni sa një ditë pushimi. Ndërsa një tjetër studim ka treguar se meditimi 10 minuta është njësoj i vlefshëm sa 44 minuta gjumë.
Një studim i publikuar së fundmi nga Brain Sciences, ka dalë në përfundimin se meditimi ka edhe një tjetër përfitim: Ju ndihmon të bëni më pak gabime. Në studim u përfshinë 200 njerëz që nuk kishin medituar kurrë, të cilëve iu kërkua të bënin një ushtrim meditimi për 20 minuta, të ndjekur nga një test shpërqëndrimi i kompjuterizuar. Më pas u mat aktiviteti i trurit të tyre përmes EEG-së (electroencephalography). Si përfundim, meditimi i ndihmoi ata të bënin më pak gabime.
Prandaj, para provimeve, takimeve të rëndësishme të punës, apo testimeve të ndryshme, merrni parasysh që të meditoni për 20 minuta do t’ju ndihmojë shumë.
