Eros Grezda rreshtohet në listën e atyre që po japin kontributin e tyre për rindërtimin e shtëpive të personave të goditur nga tërmeti i 26 nëntorit.
Sulmuesi i përfaqësueses ka telefonuar në një emision televiziv “Shqiptarët për shqiptarët” për të bërë një donacion bujar. Në emisionin po mblidheshin fonde për të gjithë viktimat e tërmetit, fonde që do të përdorën më pas për të kthyer sadopak në normalitet jetën e disa prej tyre.
Njerëz të ndryshëm telefononin dhe premtonin shuma të cilat më pas kalonin në llogaritë e një fondacioni që do të jetë pjesë e rikonstruksionit.
“Përshëndetje, jam Eros Grezda. Dua të dhuroj 10 mijë paund për viktimat e tërmetit”, – ishte telefonata e papritur që çuditi të gjithë në studio. Një donacion bujar nga futbollisti i cili nuk ka ngurruar t’i qëndrojë përkrah bashkëkombësve të tij.
VAZHDO TË LEXOSH MË TEPËR PËR TEMËN
Klubi i Shkupit jep 10 mijë euro për fatkeqësinë
Ndeshja për Shqipërinë, Tetova me flamur kuqezi
