Kosovarët po vazhdojnë të solidarizohen me vëllezërit e tyre nga Shqipëria, pas përjetimit të rëndë të tërmetit të 26 nëntorit, nga i cili humbën jetën 51 persona dhe mbi 900 të tjerë u lënduan, e shumë ndërtesa u kthyen në gërmadha.
Të shumtë janë banorët nga Shqipëria të cilëve u janë hapur dyert për strehim në Kosovë pas tërmetit vdekjeprurës 6,4 ballë të 26 nëntorit.
Në Parkun Inovativ të Prizrenit janë akomoduar mbi 500 persona, ndërsa 1,500 të tjerë po priten në hotele, shtëpi private dhe shkolla.
Myrvet Veshi, bashkëshortja Mynerja dhe fëmijët kanë një gjetur qëtësinë në familjet prizrenase. Ata rrëfejnë orët kur thonë se panë vdekjen me sy.
“Shumë keq, tërmeti i parë sidomos ka qenë shumë dramatike. Ne jetojmë në katin e dytë, me pak fjalë e kemi parë vdekjen me sy…Ngase nuk kishim përjetuar ndonjëherë ngjarje të tillë, nuk tentonim të dilnim jashtë, vetëm prisnim, duke iu lutur Zotit që të përfundojë, nuk kishim mundësi të dalësh.
Ishim në gjumë dhe na zgjuan britmat. Edhe ishte ora 4 e mëngjesit, dhe iu luteshim Zotit që të përfundonte dhe te shpëtojmë të gjallë, nuk kemi bërë asnjë manovrim”– tha Myrvet Veshi.
“E përjetuam shumë keq, aq sa u asfiksuam nga tmerri. Kur zbritëm poshtë menduam se do të qetësohet, por vazhdoi prapë tërmeti. Flinim në makinë, sa erdhëm këtu, na futën brenda. Ndihem shumë më qetë, na duket se u larguam nga tmerri”– shtoi Mynere Veshi.
Të dielën, ish-kampin ushtarak të KFOR-it që tani është shndërruar në strehimoren e të prekurve nga tërmeti e vizituan kryetari i komunës Prizren, Mytaher Haskuka dhe ai i Lëvizjes Vetëvendosje, Albin Kurti.
Haskuka thotë se kapaciteti i parkut është kapërcyer dhe apelon qeverinë e Kosovës për ndihmë.
“Sipas regjistrimeve dhe familjeve që e tani më që janë regjistruar, janë rreth 2 mijë persona në shtëpi private, hotele. Kemi në gjimnaz, i cili nuk plotëson kriteret, kisha apeluar te qeveria që të na i gjej një vend më adekuat për këta 100 persona që janë në sallën e gjimnazit.
Aty mendoj që nuk janë kushtet elementare, nuk ka shtretër dhe nuk ka banjë adekuate”– deklaron Haskuka.
VAZHDO TË LEXOSH MË TEPËR PËR TEMËN
Ndihmë humanitare, forca ushtrie, tani Kosova sjell 50 psikologë
Kosova hap dyert për të prekurit nga tërmeti
Klubi i Shkupit jep 10 mijë euro për fatkeqësinë
