Këshilli Bashkiak i Lezhës miratoi këtë të enjte buxhetin e vitit 2020 pa marrë në konsideratë fondin e rindërtimit për objektet e dëmtuara nga tërmeti i 26 nëntorit.
Në këtë buxhet nuk është parashikuar asnjë zë për rindërtimin, ndërsa investimet do të jenë kryesisht si pjesë e zërave në fondin e shërbimeve publike.
Këshilltari Agustin Marku e ka quajtur të papranueshëm një vendim të tillë pavarësisht se koha ka qenë e mjaftueshme për reflektim.
Ndryshe nga Bashkia e Durrësit që e ka miratuar fondin e rindërtimit, kryebashkiaku i Lezhës Pjerin Ndreu pritet dalja e aktit normativ të qeverise për të parë së cila do të jetë mbështetja që do të marrin prej saj në mënyre për të patur edhe planifikimin e tyre.
Buxheti i vitit 2020 i Bashkisë Lezhë ka vlerën e rreth 1.8 miliarde lekë, prej të cilave vetëm 400 milion janë zë konkret për investime.
VAZHDO TË LEXOSH MË TEPËR PËR TEMËN
Basha në Lezhë: Urgjentisht të shpërndahen fondet
