04.01.2020 - 17:22
Një prej studiove të arkitekturës më të famshme në botë, “Zaha Hadid”, njoftoi se do të angazhohet me një projekt shumë të madh në kryeqytetin rus.
Qyteti “Smart” që do ngrihet pranë Moskës, pritet të ketë rreth 65 mijë banorë.
Studioja “Zaha Hadid” do të projektojë gjithçka, që nga banesat, shkollat, klinikat, dyqanet, sistemet e transportit dhe hapësirat publike.
Projekti do të bëhet për të rregulluar rritjen e shpejtë të Moskës, popullsia e së cilës është shtuar me 30% në 20 vitet e fundit.
Qyteza e re do të lidhet me qendrën e Moskës nëpërmjet një metroje, ndërkohë që e gjithë infrastruktura do të përqendrohet tek instalimi i teknologjisë më moderne.
