Në ndeshjen e fundit ai shënoi 3 gola, madje dha edhe një asist në fitoren 4-0 të Juventus. Cristiano Ronaldo e filloi vitin 2020 në mënyrën më të mire të mundshme.
Tregolëshi kundër Cagliarit ishte i 56-ti i karrierës së tij. Dhe arritja më e jashtëzakonshme është se kampioni portugez i ka regjistruar këto “tripoleta” në dhjetë kompeticione të ndryshme.
Më konkretisht, 34-vjeçari ka shënuar tregolësha në Premier League, La Liga, Serie A, kualikueset e Botërorit, kualikueset e Europianit, Kupën e Mbretit, Botërorin e Klubeve, Kupën e Botës, Ligën e Kombeve dhe Champions League.
Ylli portugez ka vendosur një rekord të ri. Në videon e mëposhtme do të keni mundësinë të shikoni një pjesë të mirë të tregolëshave të tij në të gjitha kompeticionet.
SERIE A
Këtu nuk kishte vend për zgjedhje, pasi ai kundër skuadrës kundër Cagliari-t ishte i pari “hat-trick” në Itali. Për këtë ai priti për më shumë se një vit.
PREMIER LEAGUE
E njëjta gjë vlen edhe për ligën angleze. I pari “hat-trick” (dhe i vetmi) ishte ai ndaj Newcastle, në fitoren 6-0 të Manchester United, në vitin 2008.
LA LIGA
Përzgjedhja ra mbi “hat-trick” kundër Atletico Madridit, në prill 2012. Një goditje dënimi, një gol i jashtëzakonshëm nga aksioni dhe një tjetër nga penalltia për Real Madridin e Jose Mourinho, në fitoren 4-1.
KUALIFIKUESET E BOTËRORIT
“Hat trick” në “Far Oer” nuk mund të harrohet. Pse? Sepse falë atij tregolëshi, Ronaldo arriti kuotën e 78 golave me Portugalinë, një më shumë se Pelé (77) me Brazilin.
KUALIFIKUESET E EUROPIANIT
Një nga “hat trick” më të freskët. E kemi fjalën për tre golat e shënuar ndaj Lituanisë, në fund të vitit 2019.
KUPA E MBRETIT
Në këtë garë, Ronaldo shënoi dy “hat-trick” me Real Madridin, me distancë kohore prej tri vitesh. Në këtë përzgjedhje ia vlen të kujtohet “tripleta” e jashtëzakonshme e portugezit kundër Celta Vigo, në vitin 2013.
BOTËRORI PËR KLUBET
“Hat-trick” kundër Kashima Antlers, në vitin 2016, lejoi Real Madridin të ngrihej në “çatinë” e botës.
KUPA E BOTËS
“Hat-trick” mbresëlënës i CR7 në barazimin 3-3 ishte “qershia mbi tortë” e ndeshjes së 15 qershorit 2018, Spanjë-Portugali, në atë mbrëmje të Sochi.
LIGA E KOMBEVE
Vetëm dy paraqitje në këtë kompeticion të ri të UEFA-s për Ronaldon. Megjithatë, në të parën, gjysmëfinalen kundër Zvicrës, ai realizoi “hat-trick”, çka bëri që Portugalia “të fluturonte” në finale me Holandën.
CHAMPIONS LEAGUE
Ky është kompeticioni i Cristiano Ronaldos. “Hat-trick” i firmosur në “Bernabeu”, kundër Atletico Madridit në vitin 2017, nuk harrohet. Nuk mbetet pas edhe “hat trick” tjetër, me fanellën bardhezi, realizuar sezonin e kaluar, kundër “Colchoneros”.
VAZHDO TË LEXOSH MË TEPËR PËR TEMËN
“Kam 6 klasë shkollë”, pohimi shokues i CR7-s
10 blerjet më të shtrenjta të Real Madrid
