Duket se këshillën e Fatmir Vatës klubi i Borussia Dortmund e ka marrë për bazë dhe janë futur menjëherë aktivë në merkato për të marrë Marash Kumbullën.
Siç raporton “Sky”, Dortmund tashmë e ka vëzhguar talentin 19-vjeçar, por negociatat akoma nuk kanë nisur. Gjthsesi, transferimi i shqiptarit në Bundesligë nuk i pamundur.
Drejtori sportiv i Dortmund, Michael Zorc, nënvizoi: “Pse duhet të them që nuk do të bëjmë asgjë dhe papritmas del në skenë një mundësi? Ndonjëherë bëhet fjalë për këto mundësi.
Kemi disa javë që i kemi hedhur sytë nga mbrojtësi shqiptar dhe këtë s’mund ta mohoj. Nëse do të kemi një mundësi sado minimale për ta marrë, do ta shfrytëzojmë pa u menduar dy herë. Nuk është e lehtë, sidomos tani në dimër. Në garë për të janë edhe skuadra të tjera”.
Sidoqoftë, transferimi gjatë verës duket i mundur, edhe pse mediat italiane flasin për një marrëveshje paraprake mes Hellas Verona dhe Interit.
VAZHDO TË LEXOSH MË TEPËR PËR TEMËN
Kumbulla, rekord për Shqipërinë në merkato
Fatmir Vata “sponsorizon” Kumbullën te Dortmund
