Oferta dhe mundësi fantastike nga Auto Star Albania për ikonën e modeleve SUV. Blerje direkte, mundësi financimi deri në 70 % të vlerës dhe shumë avantazhe të tjera.
Ndonjëherë nuk janë vetëm përmasat ato që përcaktojnë fuqinë dhe komoditetin e një mjeti. Janë një sërë komponentësh të kombinuara me një funksion të vetëm; për të garantuar një udhëtim komod dhe të sigurt. Ikona e modeleve SUV vjen e transformuar rrënjësisht në pjesën e jashtme dhe ato të brendshme. Interiori luksoz është i pajisur me sistemin më të fundit infotaintment MBUX – Mercedes-Benz User Experience, për më shumë komoditet dhe më shumë siguri.
Prespektiva nuk është asnjëherë e mjaftueshme
Madhështia e saj nuk është ajo që shikoni. Është ajo që ju prekni, provoni dhe përjetoni. Vështirë të ketë një model tjetër që unifikon kaq mjeshtërisht fuqinë, elegancën dhe teknologjinë më të fundit, të gjitha në një model. Proporcionet dhe dizajni modern i GLE-së së re, format e saj muskuloze dhe linjat e pastra në pjesën e përparme, anësore dhe atë pasme dhe dizajni i ri i fenerëve të përparmë dhe të pasëm, nuk lënë asnjë dyshim dhe e bëjnë atë një zgjedhje të veçantë. Një model i krijuar për të zgjuar në maksimum dëshirën për më shumë fuqi dhe më shumë prezencë. GLE karakterizohet për një bukuri unike, një kombinim fantastik i madhështisë me teknologjinë dhe materialet e cilësisë superiore, dhe një përzgjedhje e kujdesshme e gjithçkaje të rëndësishme për ju. Luksi modern dhe prezenca e fuqishme e modelit të ri GLE është përshtatur mjeshtërisht për çdo terren. Mjafton një hap pas për të shijuar në maksimum madhështinë e dizajnit të GLE-së së re. Linja opsionale AMG me gomat 22 inçësh mund ta bëjnë të duket edhe më sportive.
Ineriori: Elgancë, luks dhe fuqi
Forca e vërtetë e GLE-së së re ndihet në interiorin e saj. Interiori vjen me risi të shumta; më shumë hapësirë dhe komoditet maksimal. Opsionalisht GLE e re mund të porositet me 7 vende, ku hapësira dhe komoditetit sërish është maksimale. GLE e re është e pajisur me dy ekranë ekranë FULL HD 31.2 cm (12.3 inç), të kombinuara në një dizajn elegant; Cockpit luksoz dhe ekran i gjerë pa shkëputje (i njëtrajtshëm). Ndriçimi i brendshëm ofron një shumëllojshmëri ngjyrash dhe tonalitetesh; 64 tonalitete të ndryshme dhe mund të personalizohet sipas dëshirës. Konsola qëndrore e GLE vjen me një dizajn elegant, intuitive dhe shumë praktike. GLE e është e pajisur me sistemin më fundit të MBUX – Mercedes-Benz User Experience. Me komandën “Hej Mercedes”, mund të kryeni një sërë funksionesh. Modelet e reja të GLE-së janë të pajisur dhe me gjeneratën më të fundit të sistemit të asistencës në drejtimin e mjetit; Intelligent Drive dhe paketën e Asistetit të Drejtimit. Paketa e Asistentit të Drejtimit (Driving Assistance Package), e cila përfshin Asistentin Aktiv të Ruajtjes së Distancës (Active Distance Assist Distronic) dhe asistentin e timonit (Steering Assist), kamera 360 gradë dhe shumë opsione të tjera. Sigurisht, elementi më kryesor është rikonceptimi i optimizuar i hapësirës së brendshme, në pjesën e përparme në zonën e pasagjerit dhe shoferit, në pjesën e pasme të pasagjerëve dhe në pjesën e sipërme. Më shumë komoditet dhe më shumë shkathtësi, plus funksione totalisht të reja, të tilla si “free driving mode”, mundësohen dhe nga sistemi (opsional) i suspensionit E-ACTIVE BODY CONTROL dhe që tani kombinohet me sistemin e amortizimit me ajër, AIRMATIC të zhvilluar rishtazi, të cilat mundësojnë kontroll individual në çdo rrotë.
Motorë të gjeneratës së re, të fuqishëm dhe efikasë
Modeli i ri GLE me naftë, është i pari SUV që përmbush standardet e ardhshme të emëtimëve Euro 6d. Motorët me naftë, OM 656 me gjashtë cilindra prezantohet me 330 hp dhe 700 Nm çift rrotullues për modelet GLE 400 d 4MATIC [konsumi i kombinuar i karburantit: 7.5-7.0 lt/100 km; emëtimi i kombinuar i CO2: 199-184 gr/km], GLE 350 d 4MATIC me 272 hp dhe 600 Nm çift rrotullues [konsumi i kombinuar i karburantit: 7.5-6.9 l / 100 km; emëtimi i kombinuar i CO2: 198-184 g/km] dhe GLE 300 d 4MATIC [Konsumi i kombinuar i karburantit: 6.4-6.1 lt/100 km; emëtimi i kombinuar i CO2: 169-161 gr/km].
Motorët me benzinë, GLE 450 4MATIC janë në dispozicion dhe me motor me 6 cilindra, të elektrifikuar sistematikisht në mënyrë automatike, me EQ Boost (starter/gjenerator i integruar) dhe sistem elektrik 48 volt për më pak konsum karburanti [konsumi i kombinuar i karburantit; 9.6-8.3 lt/10 km, emëtimi i kombinuar i CO2: 220-190 gr/km]. Të dhënat e performancës për këtë motor janë 367 hp dhe 500 Nm, plus 250 Nm në momentin përdredhës dhe 22 hp të disponueshme përmes EQ Boost në periudha të shkurtra. Gama e motorëve përfshin dhe GLE 53 4Matic+ [konsumi i kombinuar i karburantit: 9.3 lt/100 km; emëtimet e kombinuara të CO2 212 gr/km]. Të dhënat e performancës janë 435 hp dhe 520 Nm, plus 250 Nm në momentin përdredhës dhe 22 hp të disponueshme përmes EQ Boost në periudha të shkurtra. Një tjetër variant i motorit me benzinë është dhe GLE 580 4MATIC [konsumi i kombinuar i karburantit: 10.1-9.5 lt/100 km; emëtimet e kombinuara të CO2; 230-217 gr/km] dhe të dhënat e performancës janë 489 hp dhe 700 Nm.
GLE e re është në dispozicion në showroomin e Auto Star Albania në tre variante të ndryshme të motorëve me naftë, dhe mund të porositet dhe i personalizuar sipas dëshirës dhe preferencave të vetë klienti dhe në variante të tjera.
Në të gjitha variantet, fuqia transmetohet nga transmisioni automatik 9G-TRONIC. Ndërkohë niveli i emëtimevë është shumë herë më poshtë normave të lejuara, çka e bën modelin e ri GLE më miqësor me mjedisin.
VAZHDO TË LEXOSH MË TEPËR PËR TEMËN
“Dridhet” Mercedes CLA-ja, vjen BMW Seria 2 Gran Coupe
