Shumë shpejt, Ura mesjetare e Gurit, në Grabovë, (Gramsh), ndërtuar në shekullin XVII, do t’i nënshtrohet restaurimit. Këshilli Kombëtar i Restaurimeve miratoi së fundmi, projektin për urën me vlera historike. Projekti i hartuar nga Instituti Kombëtar i Trashëgimisë Kulturore, parasheh ndërhyrje, duke ruajtur dhe restauruar elementet konstruktive dhe estetike të urës.
Instituti Kombëtar i Trashëgimisë Kulturore mirëpret çdo bashkëpunim dhe mbështetje që kontribuon në ruajtjen e trashëgimisë sonë.
Ura mesjetare e Gurit, ndodhet në fshatin Grabovë e Sipërme, në rrethin e Gramshit. Ura ndodhet rreth 115 metra largësi, në juglindje të kishës së Grabovës. Monumenti është ndërtuar rreth shekullit XVII dhe cilësohet si një monument i tipit “me një qemer”. Për ndërtimin e urës, mësohet se janë përdorur gurë gëlqerorë. Grabova është një nga vendbanimet më të hershme në Shqipëri dhe daton në shekullin e X. Sipas gojëdhënave, në kohën e lulëzimit, Grabova kishte rreth 2 000 familje. Mes shekujve XVII-XVIII, një e katërta e popullsisë e ka braktisur zonën brenda një dite.
Për më shumë, vizitoni: www.konica.al
VAZHDO TË LEXOSH MË TEPËR PËR TEMËN
Reportazh/ 75-vjeçari përshkon Tiranë-Dibër për 17 orë
Legjenda e asaj që s’martohej dot
Thellohet skandali me “Rrugën e Arbrit”, kontrata me shoqërinë e djalit
