“Porosia e SHBA nuk ka qënë asnjëherë më e qartë sa tani se është e domosdoshme që Prishtina të heqë takën ndaj mallrave serbe dhe të Bosnjës”- ka deklaruar kryeministrja serbe Ana Bërnabiq, duke shtuar se atë porosi, përveç të dërguarit speciale të presidentit Trump, Richard Grenellit, e kanë dërguar edhe komisionari për zgjerim i BE, Oliver Varhelyi, sikurse edhe Josep Borrell, shefi i ri i diplomacisë së BE.
Në televizionin serb, Bërnabiçi tha se Albin Kurti, kur nuk ishte kryeministër i Kosovës ka folur ndryshe dhe ka vlerësuar se tani ai ka përgjegjësi tjera. “Tjetër përgjegjësi keni kur jeni në opozitë, e tjetër kur jeni direkt përgjegjës për raportet e Prishtinës dhe SHBA-së”- tha Bërnabiçi, duke shtuar se shpreson që taksa do të hiqet.
“Kjo është e shkëlqyeshme për serbët në Kosovë e Metohi, e mirë për tërë rajonin sepse vendimi për t’i dhënë kombësi biskotave dhe qumështit do të tërhiqet. Ky është një sinjal i mirë për të ardhmen”- tha kryeministrja serbe.
Sipas saj, heqja e takës është e shkëlqyeshme edhe për të gjithë të tjerët në Kosovë, edhe për shqiptarët të cilët, siç tha ajo, “e paguan shtrenjtë atë vendim politik”, ndërsa shtoi se atë çmim po e paguajnë edhe sot dhe “do të vazhdojnë ta paguajnë derisa nuk tërhiqen këto masa”.
Duke folur për reciprocitetin që e ka përmendur kryeministri Kurti në mënyrë që të hiqet taksa, Bërnabiçi thotë se nuk është e sigurt se për çfarë reciprociteti flet.
“Politika e Qeverisë së Serbisë është shumë e qartë, nuk ka zona gri, ne kërkojmë respektimin e të gjitha marrëveshjeve të nënshkruara, kërkojmë respektim të marrëveshjes CEFTA, s’ka këtu paqartësi”- shtoi Bërnabiçi. Kryeministri Kurti ka deklaruar se Kosova do ta heqë taksën ndaj mallrave serbe, por do të imponojë reciprocitet të plotë ndaj shtetit serb.
VAZHDO TË LEXOSH MË TEPËR PËR TEMËN
‘Dialogun e udhëheqin Thaçi e Vuçiç’
Palmer: Do të duhet kohë që Serbia të njohë Kosovën
Grenell paralajmëron një marrëveshje Kosovë – Serbi
