50 refugjatë sirianë kanë mbërritur gjatë natës në qytetin e Gjirokastrës.
Refugjatët që kanë arritur deri tani, kryesisht janë nga Siria ndërsa u përkasin grupmoshave të ndryshme duke qenë se janë shpërngulur nga vendet e tyre familjarisht.
Ata kanë hyrë nga Greqia, shtet ky që po përballet me një fluks tepër të madh refugjatësh që pas hapjes së kufirit nga ana e Turqisë. Kjo ka bërë që edhe autoritete shqiptare të marrin masa dhe të planifikojnë qendrat e pritjes, duke qenë se janë një portë hyrëse për në vendet e Bashkimit Evropian.
Aktualisht refugjatët që kanë mbërritur në Gjirokastër po strehohen në Qendrën e Pritjes në Gerhot, rreth 2 kilometra në veri të Gjirokastrës.
Pas krizës në Evropë me refugjatët nga Siria, bëhet me dije se katër institucione në vend po diskutojnë për të marrë përgjegjësitë në një situatë të tille dhe paraprakisht është menduar të bëhen gati 6 qendra pritëse, të cilat mund të vendosen në jug të vendit në kufi me Greqinë.
Ndërkohë sipas të dhënave nga të njëjtat burime pritet që në vendin tonë të drejtohen rreth 30 mijë refugjatë.
