Në një gazetat greke kryeartikulli hapej me foton e ish-portierit shqiptar Foto Strakosha me mbishkrimin: “Ky është portieri që priti më shumë penallti”. Në vitet e fundit po flitet gjithnjë e më shpesh për djalin e tij, Thomas, që aktivizohet te Lazio dhe po shkëlqen, por tashmë është radha e Fotos për të qenë lajm i parë në mediat greke.
Portali i njohur helen, sa u përket statistikave në kampionatin grek, “Capitano.gr”, i ka kushtuar një shkrim të zgjeruar rekordit që ish-portieri i Kombëtares shqiptare vendosi në moshën 40-vjeçare në Superligën helene.
“Më 3 prill 2005, Foto Strakosha luajti në kampionat për herë të parë si titullar atë sezon me Panioniosin. Portieri shqiptar ishte 40 vjeç dhe u kthye në skuadrën nga Nea Smirni për t’i dhënë fund karrierës. Luhej në Korfuz dhe skuadra vendëse përfiton një penallti, e cila u godit nga Ksenofoni Gitas, por Foto e priti atë.
Me këtë 11-metërsh, ai arriti në 14 penallti të pritura në karrierën e tij në Superligën greke. Një shfaqje unike në historinë e kampionatit, pasi Strakosha tejkaloi rekordin e ish-portierit të Panathinaikosit, George Davkos, i cili kishte pritur 13 penallti që nga viti 1995”, – shkruante portali grek për rekordin e Strakoshës.
Në Greqi ish-portieri kuqezi, që sot është 55 vjeç, luajti për skuadra si Olimpiakos, PAS Janina, Panionios, Ethnikos Pireu, Ionikos, Kalithea, Kallamata dhe Prodheftiqi. Karrierën e mbylli pikërisht te Panioniosi me një rekord penalltish. Me kombëtaren shqiptare, Strakosha u aktivizua në 59 ndeshje, ku vetëm 9 ishin miqësore, ndërsa pjesa tjetër kualifikuese për Europianin ose Botërorin.
VAZHDO TË LEXOSH MË TEPËR PËR TEMËN
Foto Strakosha analizon të birin, ka edhe kritika
“Emocionuese, do luaj aty ku babai mundi Greqinë”
Penalltitë, sekreti i Fotos për të birin
