Përhapja në masë e COVID-19 ka pezulluar gjithçka, teksa përjashtim nuk mund të bënte as futbolli, i cili gjithashtu është pezulluar dhe ende nuk dihet se kur do të rinisë. Italia është një nga vendet më të prekura, ku janë regjistruar edhe viktima të shumtë.
Trajneri i Kombëtares, Edy Reja, prej 40 ditësh është i izoluar në shtëpinë e tij, teksa në një prononcim të dhënë për “A2Neës”, ka treguar se si po e përjeton këtë situatë shumë të vështirë. Gjithashtu italiani tha se dhurimi i një pjese të pagës së tij ishte detyrim për ata që jetojnë me futbollin.
“Situata është ajo që po përjetojnë të gjithë, natyrisht e vështirë. Dal vetëm një apo dy herë në javë për të blerë ushqimet që nevojiten. Fatmirësisht, kam shtëpi me kopsht dhe arrij të qëndroj pak më tepër në ajër të pastër. Mendoj për ata persona që jetojnë në apartamente dhe e vuajnë më tepër, por gjithsesi jemi në vështirësi.
Pas një apo një muaji e gjysmë nuk do të jetë e thjeshtë të rigjehet gjendja fizike. Për të rifilluar, duhet bërë përgatitja e duhur dhe më pas të mendohet për ndeshjet. Futbolli nuk mund të nisë menjëherë pas një javë, sepse kjo do të përbënte një rrezik të madh për lojtarët, të cilët mund të dëmtohen.
Dhurimi i një pjese të pagës ishte një detyrim, sepse ka persona që jetojnë vetëm me futbollin dhe nuk kanë një punë të dytë. U munduam të bënim diçka të vogël në ndihmë të komunitetit. Nuk e kam bërë vetëm unë, por në bashkëpunim me të gjithë stafin tim dhe e kam për kënaqësi. Nëse do të jetë e nevojshme, do të përpiqemi të japim një tjetër ndihmë.
Flas shpesh me djemtë e Kombëtares për të mësuar gjendjen e tyre, edhe pse thuajse të gjithë janë në shtëpi, aty ku vijojnë stërviten. Në Itali thuhet se do të nisin përgatitjet rreth datës 20, 21 apo 22, për të synuar që rreth muajit maj të jenë gati për të rinisur kampionatin, edhe pse nuk dihet me saktësi kur do të jetë e mundur”, – u shpreh Reja.
VAZHDO TË LEXOSH MË TEPËR PËR TEMËN
“Mendojnë se janë Messi, por nuk është kështu”
“Euro 2020″/ Reja: Objektivin e dini të gjithë!
