Marash Kumbulla vijon të mbetet në qendër të merkatos në Itali dhe jo vetëm. Ish-trajneri i Kombëtares, Gianni De Biasi, ka thurur elozhe për mbrojtësin e Veronës, teksa klubi që duket më pranë tij është Interi. Ndaj, De Biasi ka theksuar se 20-vjeçari ka karakterin dhe personalitetin për të qenë pjesë e rëndësishme e Inter.
“Ka personalitetin dhe karakterin për t’u imponuar në një skuadër të madhe si Inter. Asnjë nuk e priste të kishte një shpërthim kaq të shpejtë nga ana e tij. Mjafton të shohësh se çfarë ka bërë në vitin e kaluar.
Në Serie B, Kumbulla nuk ka luajtur shumë, ndërsa falë trajnerit Juriç është shndërruar në një nga mbrojtësit më të mirë të Serie A. Verona është mbrojtja e katërt më e mirë e kampionatit. Kumbulla mund të bëhet menjëherë një futbollist i rëndësishëm për Interin”, – u shpreh De Biasi.
VAZHDO TË LEXOSH MË TEPËR PËR TEMËN
Rekordet që vendosi Kombëtarja në Moldavi
“Krenar për gjestin, Italia na ka mbështetur”
