Supermodelja e famshme, Gigi Hadid, është shtatzënë për herë të parë. Pak ditë më parë supermodelja Gigi Hadid festoi në kushte karantine 25 vjetorin e lindjes, por duket se ditëlindja nuk qenka lajmi më i bukur i këtyre ditëve për Gigin dhe të dashurin e saj Zayn.
Ky lajm ka qarkulluar me shpejtësi në mediat botërore, të cilat shkruajnë se modelja është 20 javëshe. Në fotot e 25-vjetorit në shtëpinë e saj në Pensilvani, ajo pozoi pranë Zyan, megjithatë barku nuk dukej.
Marrëdhënie e dyshes ka nisur shumë vite më parë, madje modelja ka qenë protagoniste dhe në një prej klipeve muzikore të Zayn, “Pillowtalk”.
Dashuria e tyre ka pasur disa ulje ngritje pasi çifti është ndarë disa herë megjithatë duket ndjenja për njëri tjetrin ka qenë më e fortë se çdo gjë tjetër.
