Prej vitesh Korça mirëpriste foshnjat në një godinë të ndërtuar që në periudhën moniste , të amortizuar dhe me mungesë të kushteve higjeno-sanitare dhe pajisjeve të reja. Megjithatë Ministria e Shëndetësisë, parashikoi një fond zëri i të cilit shkoi për ndërtimin e një materniteti të ri për Korçën.
Punimet e nisuara që në fillim të këtij viti kanë përfunduar me sukses dhe pritet që brenda 2018 maternitaeti të hapë dyert për nënat , në kushte e standarde të larta jo vetëm infrastrukturore , por edhe shërbimi.
Ministria e Shëndetësisë , Ogerta Manastirliu, njoftoi përfundimin e punimeve në maternitetin e Korçës dhe bëri me dije së aparaturat e reja do të mberijnë brenda muajit Nëntor të këtij viti.
Ajo u shpreh gjithashtu se Materniteti tashmë kishte standarde bashkëkohore në nivelin e atyre të vendosura për arritje nga Komisionet Evropiane. Materniteti i vendosur në një godinë prej 4 katesh është i pajisur me salla pritjesh, vizitash, recepsioni etj.
Ai përmban gjithashtu në total 45 shtretër, salla lindjeje dhe salla operacioni. Janë shtuar si pjesë integrale e maternitetit dy reparte, ai i Neonatologjisë dhe ai i terapisë intensive të cilët mungonin në maternitetin e vjetër .
Ky maternitet do të jetë një prej investimeve në fushën e shëndetësisë më të rëndësishmë për Korçën duke marrë parasysh faktin se është një prej qyteteve me lindshmërinë më të lartë. Pritet që numri i foshnjave të rritet nën ndikimin e reformës së re mbi bonuset për lindjen e fëmijëve ndaj nënave.
L.S
VAZHDO TË LEXOSH MË TEPËR PËR TEMËN
26 familje presin kompensimin për shpronësim
“Europa Nostra” inspektim ekslistik në Korçë
“Vitet e pritjes” dhe të Teodor Laços
