Lazarati ishte fshati më i famshëm i Shqipërisë për shkak të drogës, që kultivohej e përpunohej aty për shumë vite, derisa Policia ndërhyri për të goditur një herë e përgjithmonë perandorinë më të madhe të drogës në Ballkan.
Historia e fshatit të Lazaratit nuk ishte e njohur vetëm për shqiptarët, por fjala u përhap në të gjithë Evropën e ndoshta edhe më gjerë. E denjë për filmat aksion, historia e Lazaratit është kthyer së fundmi në film kinematografik me titullin “The Brave”, i cili do të shfaqet sonte (4 tetor) në Kinema Millenium për herë të parë.
Ngjarjet e zhvilluara në Shqipëri vijnë në një produksion “Hollywood”-ian, me aktorë të njohur amerikanë dhe shqiptarë.
Nën regjinë e William Kaufman, te “The Brave” përfshihen në role Arman Assante, Louis Mandylor, Gosha Kutsenko, Besart Kallaku, Ervin Bejleri, Salsano Rrapi.
Gjatë tetorit, do të shfaqet edhe në kinematë e Rusisë, Europës Perëndimore dhe Italisë.
VAZHDO TË LEXOSH MË TEPËR PËR TEMËN
Akademia Marubi, Festivali i Filmit nis aktivietin
“Gjyqi”, përmes fjalëve të regjisorit Askold Kurov
