Ministrja spanjolle e Ekonomisë, Nadia Calviño, kandidate për presidencën e Eurogroup-it, shprehu sot optimizmin e saj për arritjen e një marrëveshjeje europiane për planin e rimëkëmbjes së BE-së pas pandemisë së COVID-19.
“Komisioni Europian ka vënë në tryezë një propozim ambicioz. Do të ketë negociata në ditët në vijim. Kjo varet, natyrisht, nga arritja e marrëveshjes midis liderëve të vendeve tona”, tha ajo, duke shtuar se ishte mjaft optimiste.
“Ne i kemi lexuar dhe mësuar mirë mësimet nga kriza dhe jemi në procesin e përgjigjes së duhur për këtë krizë globale”, shtoi Calviño.
Aktualisht, udhëheqësit europianë po negociojnë për të arritur një marrëveshje në lidhje me planin e rimëkëmbjes prej 750 miliardë eurosh, i përbërë nga 500 miliardë grante të drejtpërdrejta për vendet anëtare dhe 250 miliardë kredi për kapitalet.
VAZHDO TË LEXOSH MË TEPËR PËR TEMËN
Banka e Shqipërisë, konferencë për shpëtimin e bankave
Bankat e huaja të qëndrojnë në Shqipëri
Apeli i ministrave francez e gjerman për Kosovën
