Shumica e të rinjve të infektuar me koronavirus nuk sëmuren seriozisht, por një numër në rritje i pacientëve të rinj raportojnë se janë të sëmurë me javë të tëra. Eksperti më i mirë i SHBA, Dr. Anthony Fauci, tha që duhet më shumë kohë për të kuptuar nëse të rinjtë do të vuajnë pasoja afatgjata apo jo.
“Janë njerëzit e sëmurë keq, veçanërisht ata që kërkojnë shtrim në spital, që do të shërbejnë për të kuptuar nëse Covid lë pasoja afatgjata apo jo; por për ta kuptuar do të duhen muaj deri në një vit ose më shumë “, tha Fauci gjatë një bisede me Drejtorin e Përgjithshëm të Facebook Mark Zuckerberg.
Komentet e Fauci pasojnë një rritje drastike të infeksioneve koronavirus midis të rinjve në SHBA “Nëse shikoni se çfarë po ndodh me infeksionet e reja, mosha mesatare është rreth një dekadë e gjysmë më e re sesa ishte disa muaj më parë,” tha Fauci. Kjo mund të ketë efekte të rrezikshme në transmetim, shtoi ai.
“Mesazhi im për të rinjtë është të konsideroni përgjegjësinë tuaj ndaj vetvetes, por edhe përgjegjësinë shoqërore,” tha Fauci. “Duke lejuar veten të infektohet, ju po përhapni pandeminë.”
VAZHDO TË LEXOSH MË TEPËR PËR TEMËN
‘Dy javët e ardhshme do jenë kritike’, eksperti i SHBA flet për situatën
Armiku më i madh i Trumpit? Vetja!
COVID-19/ Eksperti amerikan: Nëse masat hiqen para kohe…
