Që prej nisjes së procesit të Vettingut dhe deri më sot, janë dorëhequr nga sistemi i drejtësisë 17 gjyqtarë, 4 prokurorë si dhe 4 ndihmës ligjorë. Pa llogaritur këtu dorëheqjen e gjyqtarëve dhe prokurorëve që kanë dalë në pension.
I fundit i dorëhequr nga drejtësia në një një kohë që pritej të përballej me Vettingun është gjyqtari i Apelit të Tiranës Gjin Gjoni. Kërkesa e tij pritet të shqyrtohet nga Këshilli i Lartë Gjyqësor.
Gjoni, një emër mjaft i lakuar në kriterin e pasurisë e arsyeton dorëheqjen me pretendimin se po bëhet Vetting me dy standarde. Në fakt një pretendim të tillë e kanë përdorur edhe kolegë te tij, ndërkohë që dyshohet se vendimi për tu dorëhequr është bërë për shkak se nuk justifikojnë pasurinë apo të kaluarën profesionale.
Prokuroria e Posaçme Antikorrupsion ka të gjithë detyrimin ligjor që të hetojë jo vetëm gjyqtarët dhe prokurorët e shkarkuar nga Vettingu, por edhe ata që kanë shpejtuar të dorëhiqen, pasi u ka dalë emri në listën e Komisionit të Pavarur të Kualifikimit.
Çfarë fshihet pas dorëheqjes?
Për gjyqtarët dhe prokurorët e dorëhequr është ndërprerë procesi i Vettingut. Dhe nëse ata kërkojnë të rikthehen sërish në sistemin e drejtësisë, nuk do të kalojnë në filtra si kolegët e tyre.
Kjo për arsye se ligji për statusin e gjyqtarëve dhe prokurorëve, i cili saktëson mënyrën e emërimit të ish-gjyqtarëve dhe ish-prokurorëve në drejtësinë e re, nuk parashikon kontrollin e pasurive dhe figurës për ish-gjyqtarët që duan të rikthehen në sistem.
“Brenda afatit dyjavor, nga data e publikimit të listës së të diplomuarve, ish-gjyqtarët dhe ish-prokurorët mund të kandidojnë për t’u riemëruar, pas marrjes së ftesës, në përputhje me përcaktimet në pikën 1, të nenit 39, të ligjit për statusin e gjyqtarëve dhe prokurorëve.
Rikthimin në sistemin e drejtësisë e ka synuar dhe ish gjyqtarja e Gjykatës së Lartë Arjana Fullani, e cila ankimor, vendimin e Komisionit të Pavarur të Kualifikimit pranë Kolegjit të Posacëm të Apelimit.
KPK, me vendimin e saj e ndalonte Fullanit, që të rikthehej pas 15 vitesh në sistemin e drejtësisë sic kërkonte ajo.
Të dorëhequrit e “dosjeve të nxehta”
Pothuajse të gjithë prokurorët dhe gjyqtarët e dorëhequr kanë hetuar dhe gjykuar dosje të nxehta, kua janë lakuar emra të njohur të politikës dhe të botës së krimit.
Ish anëtari i Gjykatës së Lartë, Aleksandër Muskaj, njihet si gjyqtari që pushoi cështjen ndaj ish Ministrit të Transporteve Lulzim Basha, për aferën e rrugës së Kombit. Edhe ish gjyqtari i Kushtetueses Besnik Imeraj, ka kaluar në duar të njëjtën dosjen e Bashës.
Një tjetër i dorëhequr që ka gjykuar cështje të ndjeshme për opinionin public është ish gjyqtari i Apelit Agim Bendo. Ky i fundit ka qenë pjesë e trupës gjykuese në çështjen, “21 janarii”. Ndërsa procese të tjera të gjykuara nga Bendo janë dosja e “Hakmarrja për Drejtësi”, si dhe ka qenë anëtar i trupit gjykues në çështjen e Bankës së Shqipërisë
Risjellim në vëmendje se Bendo e ka dhënë dorëheqjen në prag të Vettingut, ndërkohë që verifikimet për të kishiun nisur që gjatë muajit shtator të vitit 2018, dhe në muajin dhjetor pot ë të njëjtit vit do të dilte para KPK.
Në listën e të dorëhequrve është edhe ish ish drejtuesi i prokurorisë së Elbasanit Ardian Nezha, i cili ndryshe njihet edhe si prokurori i cili kërkoi dënim me burg përjetë për Dritan Dajtin dhe jep dorëheqjen.
Më poshtë po sjellim emrat e gjyqtarëve dhe prokurorëve që janë dorëhequr në prag Vettingu.
Emrat
1 Arjana Fullani, anëtare në Gjykatën e Lartë
2. Aleksandër Muskaj, anëtar i Gjykatës së Lartë
3. Mirela Fana, anëtare e Gjykatës së Lartë
4. Andi Çelikut, anëtar i Gjykatës së Lartë.
5. Evelina Qirjako, anëtare e Gjykatës së Lartë
6. Guxim Zenelaj anëtar i Gjykatës së Lartë
7. Besnik Imeraj, anëtar i Kushtetueses.
8. Vladimir Kristo, anëtar i Kushtetueses.
9. Sokol Berberi, anëtar i Kushtetueses.
10.Petrit Fusha, ish-kryeprokuror i Tiranës.
11. Sulejman Tola, prokuror në Prokurorinë e Rrethit Krujë.
12. Ilir Çeliku, gjyqtar Apeli Vlorë.
13. Brunilda Kasmi, gjyqtare
14. Merita Xhani, gjyqtare
15. Ilir Pashaj, gjyqtar Elbasan.
16. Metush Saraçi, kryegjyqtar i Apelit në Tiranë
17. Genci Sinjari, kryetar i Administratives Durrës
18. Agim Bendo, gjyqtar iu Gjykatës së Apelit në Tiranë
19.Ardian Nezha, Prokuror në Elbasan
20. Njazi Seferi, Prokuroria për Krime të Rënda
21.Gjin Gjoni, Gjykata e Apelit në Tiranë,
22. Erlindi Basha, ndihmës ligjor
23. Eritan Shehu, ndihmëse ligjore
24.Adnand Berdica, ndihmës ligjor
25. Etleva Sherifi, ndihmëse ligjore
VAZHDO TË LEXOSH MË TEPËR PËR TEMËN
“Kërkoj kohë të provoj pastërtinë”/ Vettingu i jep mundësi të dytë
