Shtetet e Bashkuara duhet të udhëheqin kombet demokratike në rezistencën ndaj totalitarizmit të Kinës.
Në vend të kësaj, Presidenti Trump po ndjek një ofensivë të pakujdesshme, të pabindur dhe të njëanshme kundër Pekinit që duket se është krijuar për fushatën e tij të rizgjedhjes, jo për të përballuar sfidën e ndërlikuar të paraqitur nga regjimi i Xi Jinping.
Urdhri i papritur i Departamentit të Shtetit për mbylljen e Konsullatës Kineze në Houston këtë javë tregon se sa e paefektshme është fushata.
Do të çojë në mënyrë të pashmangshme në mbylljen e përhershme të një konsullate amerikane në Kinë, me siguri në Wuhan, nga ku kishte origjinën epidemia e Covid-19.
Kjo do të zvogëlojë kanalet e komunikimit dhe mundësinë e Amerikës për të kuptuar situatën e brendshme të Kinës, duke mos mundur të bëjë asgjë për aktivitet e regjimit Xi, nga sulmet në Hong Kong deri tek përpjekjet e tij për të spiunuar amerikanët dhe për të vjedhur teknologjinë amerikane.
Zyrtarët e SHBA-së po e përshkruajnë konsullatën e Houston-it si një fole të veprimtarive spiunazhi, megjithëse ata nuk kanë ofruar prova për ta mbështetur atë.
Sekretari i Shtetit Mike Pompeo e portretizoi mbylljen si duke dërguar një mesazh: “Ne po tregojmë qartë mënyrën sesi duhet të sillet Partia Komuniste Kineze, dhe kur ata nuk sillen ashtu, ne do të ndërmarrim veprime që mbrojnë popullin Amerikan , sigurinë tonë, dhe gjithashtu ekonominë dhe punët tona. ”
Kjo është retorikë e mirë e fushatës, por mbyllja e konsullatave nuk do t’i arrijë ato qëllime.
Hakimi dhe spiunazhi kinez shumica drejtohen nga Kina, jo Houston.
Shumë nga masat e tjera qëTrump ka ndërmarrë, nga vendosja e tarifave në tregti, deri te kufizimi i vizave të studentëve, kanë dëmtuar ekonominë e SHBA-së dhe nuk e kanë ndryshuar sjelljen kineze.
Deri në mars, Trump e vlerësonte publikisht Xi si një udhëheqës të shkëlqyer, duke përfshirë përgjigjen e tij ndaj koronavirusit.
Në mënyrë private, Trump iu përgjigj liderit kinez për ndihmë në fushatën e tij për rizgjedhje ndërsa aprovoi vepimet e Xi në Hong Kong dhe në provincën Xinjiang.
Në marrëveshjen tregtare që ai arriti me Xi në janar, Trump hoqi dorë nga kërkesat për reforma në praktikat e tregtisë së Kinës.
Pastaj, presidenti ka akuzuar Pekinin për përhapjen e Covid-19 dhe e ka quajtur kundërshtarin Joe Biden “kukull kineze”.
Megjithatë, kjo në asnjë mënyrë nuk paraqet një strategji për të kundërshtuar ambicien e Xi për të përhapur modelin e Kinës të diktaturës nëpër botë dhe heshtur me forcë kritikët brenda dhe jashtë vendit.
Kjo do të kërkonte koordinim me aleatët amerikanë, të tillë si Gjermania, Koreja e Jugut dhe Japonia, të cilat Trump në vend të kësaj i kërcënon me luftëra tregtare ose tërheqjen e trupave amerikane. Do të nënkuptojë ringjalljen e Partneritetit Trans-Paqësor në tregti.
Dhe do të kërkonte mbajtjen e kanaleve të hapura për diplomacinë me Pekinin për të zgjidhur çështje të tilla si arsenali në rritje bërthamor i Koresë së Veriut dhe ngrohja globale.
Mbyllja e konsullatave nuk do të arrijë asnjë prej këtyre qëllimeve.
Përkthyer dhe përshtatur nga The Washington Post/ Konica.al
VAZHDO TË LEXOSH MË TEPËR PËR TEMËN
‘Prit dhe shiko’, strategjia e suksesshme e Kinës
‘Lufta tregtare’, më keq se Lufta e Parë Botërore!
“Armikja e Amerikës nuk është Kina, është…”
