04.08.2020 - 08:23
Pas dy ditësh në “luftë” me flakët, zjarrëfikësit e Gramshit ia kanë dalë të shuajnë zjarrin në pyllin e malit të Koshnicës.
Kishte dy ditë që flakët “përpinin” gjithçka që gjenin përpara, madje duke shkrumbuar edhe pemët shekullore të pyllit.
Dhjetëra hektarë me pyje e pisha dhe shumë gjallesa e kafshë u dogjën në pyllin e Koshnicës, ndërsa pamjet që zjarri ka lënë pas janë vërtet të dhimbshme.
Zjarri dyshohet se ka qenë i qëllimshëm, pasi kjo nuk është hera e parë që ky pyll digjet, ndërsa autoritetet u kanë bërë thirrje qytetarëve të tregohen më të përgjegjshëm, pasi zjarri rrezikon edhe shtëpitë e banorëve.
