24.08.2020 - 16:49
Dy murale të bëra me bojë fotokatalitike që ‘ha’ smogun janë shpalosur në Bangkok dhe Varshavë si pjesë e një projekti të quajtur Converse City Forests.
Converse, një kompani amerikane këpucësh, po bashkëpunon me artistë në 13 qytete rreth botës për të krijuar këto murale gjigante, duke përdorur një lloj bojë që ndihmon në pastrimin e ajrit.
“Kjo teknologji përdor energjinë e dritës për të ulur sasinë e ndotësve të ajrit dhe për t’i shndërruar ata në subtsanca të padëmshme,” u shpreh Converse. “Të gjitha sipërfaqet e lyera me këtë bojë bëhen pastruese aktive të ajrit.”
Dy muralet e vetme të tilla ndodhen në Bangkok dhe Varshavë, por pritet që në gjithë botën të shihen të tillë.
