Nuk ka munguar edhe reagimi i presidentit të FSHF-së, Armand Duka, për kualifikimin e 3 skuadrave shqiptare në turin e dytë eliminator të Europa League. Numri një i futbollit shqiptar ndihet krenar dhe poston këtë koment në rrjetet sociale:
“Sot, Europa League foli shqip! Në të gjithë kuptimin e plotë të fjalës. Një super mbrëmje për skuadrat shqiptare! Pas kualifikimit të Teutës më herët gjatë ditës, vjen edhe suksesi i KF Laçit në transfertën azere si edhe triumfi i Kukësit ndaj Slavia Sofjes.
Është fantastike, më bukur se kaq nuk kishte ku të shkonte! Asgjë nuk vjen nga rastësia, ky është një sukses që vjen si shpërblim për punën e mirë dhe të palodhur që klubet shqiptare kanë bërë në vazhdimësi.
Krenar për kualifikimin e tre klubeve shqiptare në turin tjetër të Europa League, krenar për futbollin shqiptar! Urimet më të mira edhe për Laçin edhe për Kukësin. Suksese të mëtejshme në Europa League. Faleminderit për emocionet që na dhuruat! Sot ishte një Shqipëri futbolli. Një Shqipëri që shkëlqen. Shqipëri që jep shpresë….”
VAZHDO TË LEXOSH MË TEPËR PËR TEMËN
“Sonte festojmë, nga nesër duhen përforcime”
Triumfon Kukësi, Laçi kalon me penallti
Kualifikohet Shkëndija e Renova, Laçi në shtesë
