28.08.2020 - 11:32
Modelja me origjinë shqiptare Emina Çunmulaj, që prej vitesh jeton në New York është kthyer në Mal të Zi për të votuar në zgjedhjet e 30 gushtit.
Përmes postimeve në rrjetet sociale ajo iu bën thirrje shqiptarëve të Malit të Zi të votojnë listën shqiptare.
“Çohuni në këmbë o shqiptarë se është koha të votoni shqipen në Mal të Zi”, shprehet modelja në një postim në “Instagram”.
Pesë parti shqiptare në Mal të Zi do të garojnë në një koalicion të përbashkët në zgjedhjet parlamentare të 30 gushtit 2020.
Liderët e Alternativës Shqiptare, Forcës së Re Demokratike, Lidhjes Demokratike Shqiptare, Unionit të Tuzit dhe Lëvizjes Qytetare Perspektiva nënshkruan një marrëveshje për të kandiduar në zgjedhje me një listë të përbashkët të kandidatëve.
