Kryeministri Edi Rama, ditën e sotme është ndalur në fshatrat e Tiranës, në zonat e dëmtuara nga tërmeti.
I shoqëruar nga kryebashkiaku Erion Veliaj, ministri i Rindërtimit Arben Ahmetaj vizituan shtëpitë e ndërtuara për familjet që u dëmtuan nga tërmeti.
Gjithashtu kryeministri bën me dije se tashmë po rindërtohen shtëpitë e mbi 400 familjeve.
“Është shumë e rëndësishme që shtëpitë në fshat t’i mbyllim sa më shpejt. Por duhet durim, tani jemi duke u marrë me ujë edhe pse na komentojnë se akoma po merremi me ujë.
Nuk ka halle të majta apo halle të djathta. Njerëzit janë qytetarë, nuk kemi ne nga këto”, u shpreh Rama, teksa pyeti një nga qytetarët e pranishëm nëse kur ishte e djathta në pushtet i ka bërë ndonjë gjë, ndërsa ky i fundit tha jo.
“Rindërtojmë bashkë me lalin dhe Ministrin e Rindërtimit në shtëpitë që po hapin dyert për familjet e mbetura pa strehë natën tragjike të 26 nëntorit, në fshatrat e Bashkisë Tiranë, ku aktualisht po rindërtohen shtëpitë e mbi 400 familjeve, që ta festojnë vitin e ri nën strehën e re, më të bukur, më të madhe, më të fortë se ajo që humbën nga fatkeqësia e rëndë natyrore”, shkruan Rama në rrjetin social “Facebook”.
VAZHDO TË LEXOSH MË TEPËR PËR TEMËN
“Problem i madh është financimi i gjithë operacionit”
