Ndikimi i humbjes së Donald Trump muajin e ardhshëm, ndihmon të imagjinoni sikur ai të fitojë.
Ndikimi në Shtetet e Bashkuara të një mandati të dytë Trump do të ishte transformues, sigurisht, por unë jam duke menduar për efektin në mbarë botën dhe, në veçanti, në politikën e Britanisë
Kështu që, të mendojmë vetëm për një moment, çfarë do të nënkuptojë një fitore e dytë e Trump për këtë vend.
Partia Konservatore që e ka bërë Brexit misionin e saj, do të forcohej nga mesazhi që nacionalizmi populist nuk ishte një devijim i vitit 2016 por më tepër një lëvizje globale.
Iliberalizmi, i mishëruar nga Viktor Orban, Jair Bolsonaro dhe Vladimir Putin do të merrte forcë nga një fitore e papritur; dhe, megjithëse Johnson nuk i pëlqen ta fusë veten në atë grup, ai dhe qeveria e tij Brexit do të entuziazmoheshin nga konfirmimi i SHBA që fryma e epokës nuk është bashkëpunimi ndërkombëtar, por një botë e shteteve konkurruese, secili i përkushtuar për ta bërë veten e vet madhështore përsëri.
Tani mendoni të kundërtën. Humbja për Trump do të sinjalizonte se ethet populiste po zhduken. Siç kanë argumentuar të tjerët, me Trumpin që largohet, Johnson do të mbetej i vetmuar.
Për më tepër, nëse amerikanët e largojnë Trump, kjo do të sugjeronte rivendosjen e një rendi politik që dukej se kishte marrë fund në 2016: se ka disa gjëra që votuesit nuk i tolerojnë.
Kjo paaftësi, korrupsion dhe pandershmëri e ka një çmim. Rivendosja e këtij standardi nuk do t’I shërbente Johnsonit.
Natyrisht, nëse një humbje e Trump është e keqe për Konservatorë, një fitore e Joe Biden është e mirë për Laburistët.
Ka edhe një paralajmërim tjetër, përveç faktit që Britania dhe SHBA janë vende shumë të ndryshme. Biden nuk është në të njëjtin pozicion me Keir Starmer. Duke dalë nga një humbje në 2019, detyra e parë e udhëheqësit të Laburistëve ka qenë të bindë elektoratin se ai përfaqëson një shkëputje të plotë nga paraardhësi i tij. Jo më kot është parulla e tij “Udhëheqja e re”. Biden ka bërë lëvizjen e kundërt, duke u kujtuar votuesve në çdo rast të kaluarën Demokratike dhe rolin e tij në të, duke zëvendësuar një president, Barack Obama.
Edhe kështu, efekti i një fitore të Biden mbi Laburistët dhe Starmer do të ishte i madh.
Një pjesë e kësaj sepse, me gjithë problemet e saj të shumta, SHBA ende është një përcaktues global i trendeve.
Sigurisht, ajo që vlen për këtë moment politik mund të mos zbatohet më në kohën kur Starmer kandidon në 2024. Nëse jemi me fat, pandemia do të jetë një kujtim i largët atëherë.
Çdo laburist me të cilin ka thënë Johnson nuk do të jetë kundërshtari me të cilin do të përballet Starmer: ata supozojnë se ai do të jetë zhdukur.
Sido që të jetë, ata dyshojnë se Starmer do të ketë avantazhin e Biden në garë.
Fitorja e Biden do të ofronte inkurajim për Starmer dhe qasjen e tij.
Reklamat televizive të demokratëve rrallë përmendin mizoritë ose fyerjet e dala nga goja e Trump, duke u përqendruar në çështjet që kanë rëndësi për votuesit. Siç tha Biden në debatin e tyre televiziv, duke iu drejtuar audiencës pasi Trump kishte sulmuar djalin e Biden: “Kjo nuk ka të bëjë me familjen time ose familjen e tij. Bëhet fjalë për familjen tuaj.” Deri më tani duket se po funksionon edhe për Starmer i cili, ka adoptuar të njëjtën taktikë.
Nëse Biden do të humbte, refreni nga e majta Demokratike do të se Bernie Sanders, do të kishte fituar votat për të dëbuar Trump nga Shtëpia e Bardhë. Nëse Biden humbet, ai argument do të jehojë përtej Atlantikut.
Por me siguri kjo do të thotë se e kundërta duhet të ndodhë nëse Biden fiton. Sondazhet tregojnë, se vlerësimet e Biden janë rritur në mënyrë të vazhdueshme ndërsa fushata ka vazhduar.
Ndaj Starmer duhet të jetë i kujdesshëm për të marrë një këshillë më shumë nga Biden.
Demokrati ka punuar shumë për të bashkuar partinë e tij, për t’u siguruar që Sanders dhe Alexandria Ocasio-Cortez të jenë krah tij, si dhe Obama dhe Hillary Clinton.
Nëse Biden fiton, edhe ai do të jetë një mësim i vlefshëm për Laburistët. Por le të mos nxitohemi: është akoma një nëse.
Jonathan Freedland është një kolumnist i The Guardian/ Konica.al
Përkthyer dhe përshtatur nga The Guardian/ Konica.al
VAZHDO TË LEXOSH MË TEPËR PËR TEMËN
A është Johnson vërtet Trumpi europian?
A do të kenë Trump-Johnson fatin e Reagan dhe Thatcher?
A do të paguajnë këta liderë për paaftësinë dhe cinizmin?
