Shtëpia e operës në Milano, “La Scala”, vuri në skenë të hënën, një përmbledhje televizive triorëshe, me arie e balet. Kjo, pasi pandemia kushtëzoi çeljen tradicionale të sezonit, për herë të parë që prej Luftës së Dytë Botërore.
Duke mbajtur maska, anëtarët e korit dhe të orkestrës kanë performuar himnin kombëtar para një auditoriumi të zbrazët, që viteve të kaluara do të mbushej me elitën politike, biznesore e atë të estradës në Itali, për një nga ngjarjet kryesore në kalendarin milanez.
Organizatorët e kanë quajtur këtë show “A riveder le stelle” (“T’i shohësh sërish yjet”), si referencë për frazën e fundme në “Infernon” e Dante Alighierit, që shenjëzon shpresën se pandemia, që ka gjunjëzuar ekonominë e Evropës, së shpejti do të tejkalohet.
“Kjo ishte një përvojë e pakëndshme, por shpresoj të mos e përsëris më”, ka thënë dirigjenti, Riccardo Chailly.
Italia ka mbyllur teatrot dhe sallat koncertale gjatë tetorit, për të frenuar rishpërthimin e pandemisë dhe kufizimet do të mbeten në fuqi, të paktë deri të pas sezonit të festave të Kërshëndellave.
Disa performanca ishin të drejtpërdrejta e të tjera të incizuara më herët. Ato kanë përfshirë edhe yllin e vallëzimit Roberto Bolle, që ka performuar solo një balet të rrethuar vetëm nga rrezet e dritave.
Organizatorët i kanë çuar shikuesit edhe te përgatitjet dhe te vendet në prapaskenat e “La Scala”, teatri 242-vjeçar në zemër të jetës muzikore të Milanos.
Me rajonin e Lombardisë rrotull Milanos, si një ndër vendet e prekura më rëndë në Evropë e që ende shënon mijëra infektime të reja me koronavirus, është ende e paqartë sesi “La Scala” do të vërë në skenë sezonin e saj të ri.
Në tetor, një duzinë këngëtarësh e muzikantësh të teatrit, rezultuan dolën pozitivë me koronavirus, duke bërë që të gjithë anëtarët e korit të hynin në karantinë, përfshirë edhe pjesëtarët e orkestrës.
VAZHDO TË LEXOSH MË TEPËR PËR TEMËN
Njeriu i bindjeve muzikore dhe politike
Artistja e njohur rrëfen emocionet
10 vendet me fuqi MAGJIKE në botë
