Rita Ora është e shqetësuar se nuk do të jetë në gjendje të kthehet në Britani për të kaluar Krishtlindjet me familjen e saj. Këngëtarja udhëtoi drejt Bullgarisë pak ditë më parë për xhirimet e klipit të ri, pas skandalit të thyerjes së rregullave anti-Covid.
30-vjeçarja është shqetësuar se nuk do të shkojë pranë familjes pasi qeveria bullgare pezulloi fluturimet deri me 31 Janar pas lajmit se një variant i ri i koronavirusit ishte zbuluar në Angli. Gjithashtu u raportua se Rita u largua nga vendi pasi u përball me reagime të ashpra pas shkeljes së rregullave.
“Rita fluturoi jashtë pas incidentit të festës për të marrë pak kohë dhe për të reflektuar për gjithçka si dhe për të punuar për videon e re muzikore. Por gjërat ndryshuan shpejt dhe po përballet me faktin se mund të ngecë. Është fundi më i keq i një makthi disa muajsh”, tha burimi.
Megjithatë një burim pranë këngëtares u shpreh se Rita e kaloi pjesën më të madhe të vitit duke punuar me muzikë dhe se tashmë po shijon disa ditë pushime. “Ajo nuk dëshiron të jetë në Londër tani dhe kështu ka rezervuar një pushim relaksues gjatë Krishtlindjeve dhe Vitit të Ri me shpresën se ajo mund të fillojë përsëri në Janar.” 
VAZHDO TË LEXOSH MË TEPËR PËR TEMËN
