Mjalti është një nga përbërësit natyralë më të dobishëm. Mbi të gjitha, mjalti i papërpunuar dhe i papasterizuar dihet se ka veti antifungale dhe antibakteriale, ndërsa gjithashtu nxit shërimin. Ndryshe nga sheqeri, mjalti nuk do të shkaktojë rritje të parregullt të niveleve të glukozës në gjak duke rritur kështu rrezikun për diabet të tipit 2, por përkundrazi rregullon nivelet e glukozës. Këtu janë nëntë mënyra të ndryshme për të përdorur mjaltin.
- Maskë hidratuese
Një nga vetitë e shumta të mjaltit është se funksionon si një lagështues natyral. Me një lugë çaji mjaltë të papërpunuar, masazhoni të gjithë lëkurën tuaj të pastër dhe të thatë, pastaj lëreni për 15-20 minuta si një maskë hidratuese. Shpëlajeni me ujë të pastër.
- Ilaç kundër të ftohtit dhe gripit
Mjalti është një ilaç i njohur në shtëpi për trajtimin e ftohjeve të zakonshme dhe gripit. Përzieni mjaltin, limonin, kanellën dhe xhenxhefilin së bashku në një filxhan me ujë të nxehtë për të bërë një ilaç të lirë por efektiv për ftohjet dhe simptomat e gripit. Pini çdo dy orë për lehtësim më të shpejtë.
- Pastrues fytyre
Përdorimi i mjaltit si pastrues i fytyrës është i shkëlqyeshëm për lëkurën e ndjeshme dhe të prirur për puçrra pasi është shumë efikase dhe shumë i butë gjithashtu. Mjalti i papërpunuar ka veti antibakteriale që do të heqin qafe çdo bakter që shkakton puçrat ,Vetitë shëruese të tij do të zvogëlojnë inflamacionin, skuqjen dhe qetësojnë lëkurën. Thjesht përdorni mjaltë siç do të bënit me një xhel larës normal.
- Trajtimi i plagëve dhe djegieve
Karakteristikat natyrore antibakteriale të mjaltit mund të mbajnë plagët dhe djegiet të painfektuara. Karakteristikat e tij qetësuese gjithashtu do të zvogëlojnë inflamacionin dhe skuqjen. Thjesht mbuloni plagën me garzë të lyer me mjaltë për të siguruar një mjedis të lagësht për lëkurën, njëkohësisht eleminon edhe aromat.
- Balsam buzësh
Aftësia hidratuese e mjaltit nuk është e kufizuar vetëm për lëkurën e fytyrës, por përfshin edhe lëkurën e buzëve. Vendosni pak mjaltë në buzët tuaja për një rezultat të shkëlqyer.Gjithashtu mund të vendosni pak mjaltë në buzët tuaja, ta lini për 10-15 minuta para se të laheni për një trajtim hidratues të buzëve.
- Balsam flokësh
Ashtu si mjalti mund të njomë lëkurën tuaj, ai mund të krijoj edhe për flokët tuaj të njëjtat kushte. Përzieni gjysmë filxhani mjaltë me një çerek filxhan vaj ulliri, pastaj ngroheni pak në sobë. Vendoseni në flokë, pastaj mbështillni flokët me një peshqir ose kapuç dushi për të lejuar që lëkura e kokës dhe flokët të zhyten në përfitimet hidratuese të mjaltit dhe vajit të ullirit. Pas disa minutash, shpëlajeni me ujë të freskët.
- Shenjat e lëkurës
Mjalti mund të ndihmojë në lehtësimin e lëkurës tuaj për të zbehur plagët, ndërsa vetitë e tij anti-inflamatore dhe antibakteriale ulin pamjen e shenjave, nxisin rigjenerimin dhe shërimin e indeve. Përzieni një lugë çaji kokos ose vaj ulliri me një lugë çaji mjaltë, pastaj masazhoni përzierjen në zonë me lëvizje rrethore duke përdorur majat e gishtave. Pas masazhimit për 1-2 minuta, vendosni një leckë të nxehtë mbi lëkurë dhe lëreni derisa të ftohet. Përsëriteni çdo ditë.
- Rregulloni ciklin menstrual
Mjalti stimulon prodhimin e acideve yndyrore omega-6 të cilat janë të nevojshme për rregullimin e proceseve hormonale të trupit. Nëse keni një cikël menstrual të çrregullt, provoni të merrni një gotë me ujë të ngrohtë ose çaj bimor të përzier me një lugë gjelle mjaltë një herë në ditë për të rregulluar ciklin.
- Forconi thonjtë
Nëse keni thonj të dobët, të brishtë dhe të prirur për t’u thyer, provoni ti trajtoni me një lugë gjelle mjaltë të përzier me një çerek filxhan uthull molle. Vendosni thonjtë tuaj në përzierje për 10 minuta. Përsëriteni çdo javë për kutikulat dhe për thonj më të fortë.
VAZHDO TË LEXOSH MË TEPËR PËR TEMËN
