Pandemia Covid-19 ka shtuar 24 trilion dollarë në malin e borxhit global gjatë vitit të fundit, tha Instituti i Financave Ndërkombëtare (IIF). Shpenzimet qeveritare kanë zënë rreth gjysmën e rritjes.
Korporatat shtuan 5.4 trilionë dollarë në total, ndërsa bankat dhe familjet përbënin përkatësisht 3.9 trilionë dollarë dhe 2.6 trilionë dollarë.
Me borxhin global që tani arrin një rekord 281 trilionë dollarë, raporti i borxhit ndaj PBB-së globale është rritur 35 pikë përqindje në mbi 355 përqind, tregon studimi i institutit. Rritja e borxhit është më e madhe se rritja e parë gjatë krizës financiare globale, në të cilën 2008 dhe 2009 panë përkatësisht 10-përqind dhe 15 për qind të borxhit ndaj PBB-së.
Nivelet e huamarrjes pritet të ecin shumë më lart se nivelet para-pandemike në shumë vende dhe sektorë edhe këtë vit, të mbështetur nga norma interesi akoma të ulta.
“Ne presim që borxhi i qeverisë globale të rritet me 10 trilionë dollarë të tjerë këtë vit dhe të tejkalojë 92 trilionë dollarë”, tha IIF, duke shtuar se ngadalësimi i mbështetjes mund të rezultojë edhe më sfidues sesa ishte pas krizës financiare.
“Presioni politik dhe shoqëror mund të kufizojë përpjekjet e qeverive për të ulur deficitet dhe borxhin, duke rrezikuar aftësinë e tyre për t’u përballur me krizat e ardhshme. Kjo gjithashtu mund të kufizojë përgjigjet e politikave për të zbutur ndikimet e pafavorshme të ndryshimit të klimës dhe humbjes natyrore të kapitalit,” shtoi ai.
Sipas raportit, rritjet e borxhit ishin veçanërisht të mprehta në Evropë, me raportet e borxhit të sektorit jo-financiar ndaj PBB-së në Francë, Spanjë dhe Greqi duke u rritur me 50 përqind.
Në tregjet në zhvillim, Kina pa rritjen më të madhe të raporteve të borxhit duke përjashtuar bankat, të ndjekura nga Turqia, Koreja e Jugut dhe Emiratet e Bashkuara Arabe. Afrika e Jugut dhe India regjistruan rritjen më të madhe vetëm për sa i përket raporteve të borxhit të qeverisë.
“Tërheqja e parakohshme e masave mbështetëse të qeverisë mund të nënkuptojë një rritje të falimentimeve dhe një valë të re të kredive me probleme,” tha IIF.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
Çfarë po ndodh në tregjet monetare?
“Ekonomia e luftës” apo ”korona-ekonomia”?
