Kanë dalë në sipërfaqe, pas gërmimeve arkeologjike, rrënojat e ambienteve ku gladiatorët luftonin para 20 mijë spektatorëve – pjesë të arenës romake në Turqi,
Arkeologët kanë zbuluar një arenë romake në Turqi, që ishte e ngjashme me Koloseun e Romës, ku mendohet se janë organizuar luftime mes gladiatorëve, për rreth 20 mijë spektatorë.
Zbulimi u bë pas disa gërmimesh në Mastaura, një qytet antik në provincën Aydin.
Arena ishte e varrosur pjesërisht dhe e mbuluar nga bimësia. Ajo është ndërtuar në formë të rrumbullakët, në ndryshim nga shumë amfiteatro antikë që janë në formën e gjysmë hënës.
Megjithatë, kjo arenë është më e vogël se Koloseu, që filloi të ndërtohej në vitin 70 pas Krishtit dhe mund të strehonte 50 mijë deri në 80 mijë spektatorë gjithsej.
Zbulimi u konsiderua shumë i rrallë dhe i rëndësishëm nga arkeologu, Sedat Akkurnaz.
“Nuk ka asnjë shembull të mëparshëm të një amfiteatri të tillë, në Anadoll dhe përreth tij. Është shembulli i vetëm, që ka mbijetuar në këtë mënyrë shumë solide.
Ndërtesa nuk është e dukshme për shkak të shkurreve, ndërsa pjesa më e madhe e amfiteatrit është nën tokë. Seksionet nën tokë, janë ruajtur shumë mirë. Është e fortë sikur sapo është ndërtuar”, – tha ai.
VAZHDO TË LEXOSH MË TEPËR PËR TEMËN
Fusha e Çajupit, midis maleve dhe lakmitarëve
Unazën 2 000-vjeçare të Kaligulës e rrëmben mbretëresha Elisabetë
