Organizata Botërore e Shëndetësisë (OBSH) ka dhënë miratimin për përdorim urgjent të vaksinës kineze Sinopharm.
Kujtojmë që kjo është vaksina e parë e zhvilluar nga një vend jo Perëndimor që merr mbështetjen e OBSH-së. Kina tashmë ka vaksinuar miliona njerëz në vend dhe ka shpërndarë doza në 45 shtete të tjera. Deri më tani, OBSH kishte aprovuar vetëm vaksinat e prodhuara nga Pfizer, AstraZeneca, Johnson & Johnson dhe Moderna.
Sidoqoftë, rregullatorët individualë të shëndetit në vende të ndryshme – veçanërisht ato më të varfra, në Afrikë, Amerikën Latine dhe Azi – kishin miratuar më herët vaksinat kineze për përdorim emergjent.
Duke marrë parasysh të dhënat e pakta, efektiviteti i vaksinave të ndryshme kineze ka qenë prej kohësh i pasigurt. Provat e bëra në Brazil për një tjetër vaksinë, Sinovac-un, treguan një normë efikasiteti rreth 50,4 për qind, e cila është pak mbi pragun e nevojshëm për miratim nga OBSH. Provat e tjera në Turqi dhe Indonezi kanë treguar një shkallë më të lartë të efikasitetit.
VAZHDO TË LEXOSH MË TEPËR PËR TEMËN
“Ndryshimet do jenë radikale, si pas 11 shtatorit 2001”
“Arma sekrete” mund të vonojë edhe pak
“Nëse dikush refuzon vaksinën…”, ç’thotë eksperti amerikan
