“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Kistet në veshka, shkaqet dhe trajtimi
Mjeku: Kinezët thonë se veshkat janë vendi ku mblidhet energjia e gjithë trupit. E vërtetë apo jo, roli që ato kanë në përballimin e gjithë sforcimeve të trupit tonë është vërtet i madh. Gjithashtu në rastet e sëmundjeve, edhe dhimbja e tyre është e padurueshme. Mjeku nefrolog Mikelin Zaka, për gazetën “Shëndet+” flet lidhur me një prej sëmundjeve që prekin veshkat: polikistozën. E thënë më thjesht bëhet fjalë për disa “qese” që formohen brenda në veshka dhe që i bëjnë ato të mos funksionojnë si duhet. Madje, në një rëndim të situatës, kistet mund ta nxjerrin veshkën jashtë funksionit duke e çuar njeriun deri në hemodializë apo në kërkesën për zëvendësim të veshkës. Por ç’mund të bëjmë për ta kapur këtë sëmundje në kohë dhe cilat janë ushqimet që duhet të përdorim e masat që duhet të marrim për të pasur veshka të shëndosha. Lexoni më poshtë shpjegimet e mjekut Zaka.
Çfarë është sëmundja e veshkave polikistike(PKD)?
Polikistoza e veshkave (Kydney Polycystic Diseasse, PKD ) është një sëmundje e trashëguar në dy forma të ndryshme:
Nëpërmjet geneve autosomal dominante (ADPKD) dhe kjo është forma më e zakonshme e kësaj sëmundjeje.
Nëpërmjet geneve autosomal recesive (ARPKD), një sëmundje relativisht e rrallë që mund të shkaktojë vdekjen në mënyrë të konsiderueshme që në muajin e parë të jetës.
Veshka normale është në madhësinë e grushtit të njeriut. Megjithatë, në prani të PKD-së, kistet e zhvilluara në të dyja veshkat, mund të bëjnë që madhësia e veshkës të variojë në madhësi të ndryshme. Përmasat e kisteve mund të jenë nga ajo e kokës së gjilpërës deri në madhësine e një grejpfruti.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
