KAS vendosi sot rrëzimin e kërkesës së PD-së për marrje të informacioneve shtesë nga institucionet shtetërore dhe entet e tjera publike, si dhe ka pranuar kërkesën e LSI për marrje të informacioneve nga administrata e KQZ, se sa pajisje PEI kanë funksionuar në qarkun e Vlorës ditën e zgjedhjeve.
Në vendimin e komunikuar nga Ervin Lako thuhet: “Pasi u tërhoq për të marrë vendim, me shumicë votash KAS vendosi rrëzimin e këreksës së subjektit ankues PD për të marrë informacione zyrtare në cilësinë e provës nga organet shtetërore të listuara në kërkesën ankimore. Pranimin e kërkesës së subjektit ankues LSI për të marrë informacione nga administrata e KQZ se sa pajisje PEI kanë qenë funksionale ditën e votimit në qarkun e Vlorës. Meqenëse dy anëtarë të KAS vendosën të ushtrojnë të drejtën e tyre për marrjen e provave nga KQZ për të kërkuar të dhënat që do rezultojnë nga kryqëzimi i pajisjeve PEI për këtë qark”.
Ndërkaq seanca e sotme është ndërprerë dhe mbledhja e radhës pritet të mbahet ditën e nesërme.
VAZHDO TË LEXOSH MË TEPËR PËR TEMËN
Sa raste të dyshimta për votim të shumëfishtë ka në Gjirokastër?
