Princi Harry dhe Meghan Markle janë bërë prindër për herë të dytë ditën e premte por lajmi u bë me dije sot. Duka dhe Dukesha e Sussex kanë mirëpritur në jetë vajzën e tyre dhe lajmi u dha nga një zëdhënës i çiftit. Po ashtu është zbuluar edhe emri i shumëpërfolur i të voglës dhe siç pritej është totalisht surprizë dhe i pazbuluar më parë. Ata kanë zgjedhur ta quajnë vajzën e tyre Lili dhe emri i saj u vendos në nder Mbretëreshës Elizabeth II dhe Princeshë Diana.
“Princi Harry dhe Meghan, Duka dhe Dukesha e Sussex, mirëpritën në jetë vajzën e tyre, Lilibet “Lili” Diana Mountbatten-Windsor. Lili lindi të Premten, 4 Qershor në orën 11:40 në kujdesin e besuar të mjekëve dhe stafit në spitalin Santa Barbara Cottage në Santa Barbara. Të dyja nëna dhe fëmija janë shëndosh dhe mirë, dhe janë zhvendosur në shtëpi. Emri Lili u vendos në nder të mbretëreshës, pasi familjarët i thërrisnin me përkëdheli Lilibet. Emri i saj i mesëm është Diana, për të nderuar kujtimin e gjyshes së ndjerë, Lady Diana. Ky është fëmija i dytë për çiftin, i cili gjithashtu ka një djalë dy vjeçar me emrin Archie Harrison Mountbatten-Windsor. Duka dhe Dukesha ju falënderojnë për urimet dhe lutjet tuaja të ngrohta ndërsa ata shijojeni këtë kohë të veçantë si familje “.- thuhet në njoftimin për shtyp.
Dyshja njoftuan shtatzëninë e tyre në Ditën e Shën Valentinit me një foto të çiftit që tregonte barkun e rrumbullakosur të aktores dhe aktivistes 39-vjeçare.
VAZHDO TË LEXOSH MË TEPËR PËR TEMËN
