Reporterët pa kufij e kanë etiketuar kryeministrin Hungarez Viktor Orban një grabitqar të lirisë së shtypit.
Është hera e parë që kryetari i një qeverie të Bashkimit Evropian shfaqet në këtë listë, së bashku me udhëheqësin e Koresë së Veriut, Kim Jong-un, presidentin e Sirisë, Bashar Al-Assad, e të tjerë.
Përveç Orban, lista përfshin gjithashtu edhe liderët e tjerë si presidenti brazilian Jair Bolsonaro, Princi i Kurorës i Arabisë Saudite Mohammed bin Salman dhe udhëheqësi i Hong Kongut Carrie Lam.
Sipas organizatës të tillë krerë shtetesh mishërojnë në një mënyrë veçanërisht drastike shtypjen e pamëshirshme të lirisë së shtypit. Reporterët pa Kufij është shprehur se Orban përdori i shënjestroi mediat me mjete të tilla si mashtrimet politiko-ekonomike, diskreditimi dhe vetëcensura.
Metodat e tyre të shtypjes janë të ndryshme, por shërbejnë për të njëjtin qëllim, për të parandaluar raportimin kritik me çdo kusht. Shtypi rajonal i Hungarisë ka qenë plotësisht në pronësi të sipërmarrësve që janë miq me Orbanin, që nga vera e vitit 2017.
Në Indeksin e Lirisë së Shtypit, të përpiluar nga Reporterët pa Kufij këtë vit, Hungaria është renditur e 92-ta në mesin e 180 vendeve.
VAZHDO TË LEXOSH MË TEPËR PËR TEMËN
‘Martesa’ Itali-Hungari/ ‘Kali i Trojës’ për Evropën
“Makron po sillet si të ishte Zot”
‘Hungaria nuk do t’i japë azil politik Gruevskit’
