“Që nga dita kur kam lerë, kurrë s’jam shitur, kurrë s’jam blerë!”
Çerçiz Topulli
Për herë të parë, pas 97 vitesh i ekspozuar në qendër të sheshit që mban emrin e tij, busti i heroit Çerçiz Topulli, në Gjirokastër, është zhvendosur ditën e sotme.
Mësohet se zhvendosja nga qendra e qytetit do të jetë e përkohshme dhe ka ardhur si pasojë e punimeve që po kryhen për rehabilitimin e sheshit dhe ndërtimin e një parkimi nëntokësor.
Bashkë me shtatoren është hequr edhe bazamenti me vlera monumentale, në të cilin ishte vendosur punimi i mjeshtrit Odise Paskali, qysh prej vitit 1934.
Bëhet fjalë për disa pllaka mermeri, sjellë nga Italia, pikërisht në vitet ’30. Zhvendosja e bustit nxiti më herët, debatet mes palëve dhe shoqërisë civile.
Shtatorja e heroit do të rikthehet sërish, në përfundim të punimeve. Monumenti, pa të cilin nuk mund të kuptohet sot, qyteti i gurtë, u ngrit me kontributin e vetë gjirokastritëve.
Ata nuk i kursyen, plot 3,600 franga ari!
VAZHDO TË LEXOSH MË TEPËR PËR TEMËN
Gjuha mëmë mbrojtur me gjak
Fotoja “Berat, 1936” dhe historia pas saj
Atdhetarët që sot i mungojnë Shqipërisë
