Chelsea i ka bërë një nisje shumë të mirë kampionatit, duke fituar 3-0 në shtëpi me Crystal Palace. Tre gola dhe tri pikë, Blutë e Londrës u “hedhin dorashkën” rivalëve për luftën në titullin kampion.
Chelsea i mbylli 2-0, 45 mminutave të para. Ndeshja është zhbllokuar në minutën e 27-të nga Marcos Alonso. Spanjolli ka tundur rrjetën me një goditje perfekte dënimi. 13 minuta më mbrapa ka ardhur edhe goli i dytë për londinezët, i realizuar nga Pulisic.
22-vjeçari Chalobah ka realizuar të tretin me një goditje të bukur nga jashtë zone në të 58-n. Në moshën 22 vjeç e 40 ditë, Trevoh Chalobah është lojtari i dytë më i ri që shënon në debutimin e tij në Premier League me Chelsea-n, pas Paul Hughes në janar 1997 (20 vjeç e 274 ditë).
Në ndeshjet e tjera, Everton ka fituar 3-1 me përmbysje ndaj Southmapton, Leicester ka mundur 1-0 Wolves falë njëgoli të Vardy, ndërsa Watford ka mposhtur 3-2 Aston Villa-n në shtëpi.
VAZHDO TË LEXOSH MË TEPËR PËR TEMËN
United me “5 yje” në start, tripletë e Fernandes, Pogba 4 asiste
